Спорт мәйданчыгы ачу тантанасы

5 нче сентябрь көнне Шланга авыл җирлегендә тантаналы рәвештә спорт мәйданчыгы ачылды. Тантанада Чүпрәле районы башлыгы урынбасары Сарафанов Алексей Иванович катнашты, балаларга уңышлар теләде. Мәктәп директоры спортта актив укучыларны атады, киләчәктә олимпиада чемпионнары булуларын теләде. Бәйрәм спорт уеннары белән дәвам итте. Арм спорт буенча кызлар арасыннан Сагдеева Румиля, өстәл теннисы буенча Нуретдинова Ләйсән, егетләр арасыннан бертуган Мустафин Риназ һәм Румилгә тиңнәр булмады. Җиңүчеләргә истәлекле бүләкләр һәм мактау грамоталары тапшырылды.