Шланга урта мәктәбендә......

Шланга урта мәктәбендә......
Балалар тиешле белем алсын өчен бөтен уңайлы шартлар да тудырылган булырга тиеш. Әмма күпчелек мәктәпләрдә укучыларга һәм укытучыларга, һава торышы нинди булуга да карамастан, табигый ихтыяҗларын урамда, салкын бәдрәфләрдә үтәргә туры килә иде әлегә кадәр.
  Соңгы елларда гомуми белем учреждениеләрен заманча төзекләндерү буенча күп чаралар күрелә, дәүләт программалары эшли. 30 елдан элек төзелгән мәктәп биналарын савыктыру хөкүмәт игътибарында тора.
  Хәзерге вакытта әлеге программаны гамәлгә ашыру буенча Шланга урта мәктәбендә дә кызу эш бара. Һәм республика тарафыннан мәктәпләрдә җылы бәдрәфләр булдыру өчен безнең районга да акча бирү каралган. Аларны башкарып чыгу җаваплылыгы чикләнгән “Коммуналь челтәрләр” ябык акционерлык җәмгыятьенә тапшырылган......
   Шушы көннәрдә Шланга урта мәктәбендәге санитар узелларны кабул итү комиссиясе тикшерүенә тапшырачаклар.